Pynjari u DM ka EJH da ka kyndon144 CrPC pyrshah ia ki kali kiba kit palut pud

Syllad | The Rising MeghalayaSeptember 21, 2023

U District Magistrate ka East Jaintia Hills District, Khliehriat haka sngi Palei u la pynmih da ka hukum hapoh ka Section 144 CrPC kaba la khang pyrshah iaki kali kiba kit palat pud bad ba ki dei ban bud pyrkhing ia ki kyndon katkum ka ain.

Nalor kata katkum kane ka hukum la khang pyrshah ruh ia ki trok kiba pynkit maw ba kim dei ban palat ia ka kynjang jong ka body kali, bad ki nongshalan ki dei ban pynthikna ba yn ym don ki maw ne mawthup ki ban hap na ki kali ha ka por ba pynkit ia ki.

Ka jingpynmih ia kane ka hukum ka long kaba donkam hadien ka jingioh khubor ba ki trok abd ki kali pick up kiba pynkit maw bad mawthup ki ju kit palat ban ia ka jingjrong jong ka body kali kaba buh jingma shibun ia ki mynsiem briew bad ki jingdon jingem namar ka jinglong jingman jong ka surok bah NH-06 hapdeng ka shnong Tuber Shohshrieh bad Ratacherra ka la sniew shaba palat bad kaba lah ban nangsniew shuh shuh bad wanrah ka jingthut ba khah khah jong ki kali.