Pynjulor ki pulit West Jaintia Hills iaki silencer bike

Syllad | The Rising MeghalayaJanuary 12, 2024

Ki pulit jong ka West Jaintia Hills District haka jingkhynra iaki thuk thuk ne ki kali ar shaka kiba pynmih iaki jingsawa kaba jam kaba ktah iaka bor iohsngew u briew, ki la ioh ban pynjulor iaki bike silencer haduh 9 tylli ha kine ki khyndiat sngi kiba la dep.

U Superintendent of Police ka West Jaintia Hills District u Chemphang Syrti ula ong ka jingpyndait iaki silencer haki thuk thuk ka pynmih iaka jingsawa kaba jam bad ka long pyrshah ruh iaka aiñ Motor Vehicle Act.

Ula pyntip ruh ba kane ka jingkhynra la sdang ha ki ar taiew bala lah da ki pulit Traffic ka district bad yn bteng ruh ha ki sngi ban wan.

Ula kyntu iaki nongniah thuk thuk ban bud iaka aiñ Motor Vehicle Act.