Pynjulor u phria ia u kba, ym thikna ban ioh lum wat tang shi byrni ha Phanbhur

Syllad | The Rising MeghalayaNovember 6, 2024

Ki paidbah nongrep jong ka shnong Phanbhur kaba hap haka hima Nongspung kila pynpaw iaka jingsngewsih kaba kthang hadien ba u slap ryngkat bad u phria kila pynjulor ia u kba uba sah sa tang ban lum sha u thiar.

Kane ka jingwan lyngshop ka bor mariang kala jia haka 5 tarik Naiwieng.

U Bah Manliness Rani ula ong ba kane ka jingwan lyngshop ka bor mariang kala buh jingeh iaki paidbah nongrep ka thain Phanbhur bad ym thikna shuh ban ioh ia u soh kba.

Kumba ju long ki ioh 15-20 byrni, hynrei kane ka aiom kin nym ioh shuh wat tang shi byrni, ula ong.

Kane ka jingjia wan lyngshop ka bor mariang kala jia ruh ha kiba bun ki shnong ha West Jaintia Hills.

Theh umpjah u slap bad u phria iaka jingtrei shitom ki nongrep baroh shisnem