Pynjynsur ka Sorkar Meghalaya iaka Curfew bad la pyndam iaka jingkhang internet

Syllad | The Rising MeghalayaAugust 17, 2021

Ka Sorkar Jylla, mynta ka sngi ba Ar kala rai ban pynjynsur iaka kynta Curfew ha kiba bun ki bynta jong ka sor Shillong naduh ka 6 am haduh 4 pm haka sngi Balang bad ka jingkhang iaka internet ruh yn weng naduh lashai janmiet 6 pm.

U Myntri Rangbah ka Jylla Conrad K Sangma, haba kren bad ki nongthoh khubor ula ong “…ngi la rai ban pynjynsur iaka curfew naduh 6 am lashai ka sngi haduh 4 pm ha kiba bun ki bynta jong ka sor Shillong.”

“Ngi ieh haka Deputy Commissioner ban pynbeit ia kiwei kiwei ki rai ha ki dong ki shnong bad ka por jong ka curfew,” la ong u Conrad K Sangma.

Shuh shuh ka Sorkar kala rai ban weng iaka jingpyndam iaka mobile data ne ka internet naduh ka 6 pm lashai ka sngi.

Ula ong ba ka shongsuk shong shngain kala wan biang bad ka sorkar kala pyrshang ban wanrah iaka shongsuk shongshngain da kaba iasyllok bad kiba bun ki kynhun ban wanrah iaka shongsuk. Ka Peace committee kaban khlieh da u deputy chief minister Prestone Tynsong kan shong jingialang lashai ka sngi.

Khamshuwa ka sorkar kala rai ba ha kane ka committee kan kynthup iaki Minister u Bah Hamletson Dohling Bah Renikton Lyngdoh Tongkhar nalor ki sengbhalang, ki nongialam niam bad ki synjuk nongialam shnong.