Pynkhlain ka KSU ïaka jingkhynra bar jylla
KHLIEHRIAT: Ka Khasi Students’ Union (KSU) Jaintia Hills District Unit hadien ba la pynmih iaka draft National Register of Citizen (NRC) ha Assam ha kaba 19 lak ngut ki briew kim shym la rung kyrteng kala nang nang pynkhlain iaka jingkhang lad ban rung beaiñ ki bar jylla shapoh ka Jylla.
Haka sngi Balang ka KSU Narpuh Circle hapoh ka jingialam u President KS Suchiang, u Sanatomba Bamon General Secretary bad kiwei kiwei ki dkhot ki la leit hiar sha ka shnong Ratacherra ban ia kynduh ia u Incharge ka Infiltration Check Gate u bah D. Nongseij ban ai ka jingiatrei lang bad ka tnat pulit ha ka jingkhynra iaki kali ba wan na Lower Assam kiba na Silchar, Badarpur bad kiwei kiwei.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka KSU kaba sngewkhia halor ka jingjyllei ki briew kiba nabar kiba rung ba mih sha kane ka Rilum Khasi Jaintia bad khamtam hadien ba duh pynrung kyrteng ki 19 lak ngut ki briew haka NRC kala pynkhlain bad khynra bad khanglad iaka jingthmu wan buhai shnong beaiñ ki bar jylla sha kane ka thain namar ba kane ka jylla ka suk bha iaki ban wan buhai shnong ba tlot palat ka bor jong ka aiñ.
Ka KSU kala pynpaw ruh ka jingbynñiaw halor ka jingslem ban tei iaka khyrdop Entry bad Exit point ha katei ka thain.
Kala ai mynsiem pat iaka KSU ba hadien ka jingiakynduh bad u Bah Nongseij uba dei peit iaka khyrdop Infiltration ha Ratacherra uba la kam ba nakaliang jong ki kila pyndep iala ka kamram katkum ka jingbthah jong kiba halor bad miet bad sngi ki pynlong ka jingkhynra ia ki kali bad kam ruh ba da ki spah ngut ki barjylla ki la shah pynphai namar kim biang ki kot ki sla.
Ka KSU kala pynpaw ba ka sorkar Assam kala ai por sa 120 sngi ia ki briew ki bym pat rung kyrteng haka NRC ban kyrpad sha ka Foreign Tribunal ka don ka jingsyier ba kine ki briew ki bym pat rung kyrteng haka NRC kin pyrshang ban rung tuh sha kane ka jylla ban buhai shnong bad halor kane ka KSU kala kyntu ia u ophisar ba dei peit katei ka khyrdop ban pyrkhing bha bad jurip bniah bha iaki kot ki sla bad ban khynra ia baroh ki jait kali ban khanglad iaka jingrung beaiñ ki bar jylla sha kane ka thain.
Leave a Reply