Pynkhreh Ambulance shnong ong u DC Khliehriat iaki shnong ban kit ia kiba iabit khlam COVID

Syllad | The Rising MeghalayaMay 21, 2021

Hadien bala kiew sted ka jingiabit khlam, u Deputy Commissioner, East Jaintia Hills District, Khliehriat Bah E Kharmalki ula phah pynkhreh iaki shnong ban pynbiang iaki kali kit nongpang ne ambulance ban kit nongpang lane iaki metiap.

Katkum ka hukum u DC kaba la pynmih haka 19 tarik une u bnai la ong ” Namar ka jingpur sted une u Khlam COVID-19, la donkam ban pynkhreh kyrkieh ïaki Ambulance ha shnong ha thaw, khnang ban ïoh ban pyndonkam ha kaba ïa dei bad ka kam COVID bad ha ka por ba kit ïaki nongpang/met ïap COVID.”

“Dei ruh ban pyndonkam da ka mask N95 lane double mask khnang ban lait naka jingpur une u Khniang,” ong ka hukum u DC, Khliehriat.

Pynkhreh kyntiew kyrdan iaka Khliehriat CHC, iaid shait shait ka jingshna Oxygen Plant

Shuh shuh la kyrpad ruh ïaki Waheh Shnong ba kin ïarap lem ban leh ïaka Contact Tracing bad ruh ban snohkti lang bad ka Health Department kumjuh ka bor synshar district ban iakhun pynrshah iaka khlam.