Pynkhreh ka JHADC ban thaw iaka aiñ ban ithuh iaki sengkur, kyntu iaki sengkur ban pynrung kyrteng

Syllad | The Rising MeghalayaAugust 9, 2024

Ka Executive Committee jong u Jaintia Hills Autonomous District Council (JHADC), Jowai, ha ka 7 tarik Nailar 2024, ka la pynmih ia ka jingpynbna ba ka la sngewdei ban thaw da ka ain ban ithuh ia baroh ki kur bad seng kur trai ri trai muluk kiba don hapoh u pud u sam jong ka Jaintia Hills Autonomous District Council.

Ka jingpynbna kaba la pynmih da I Secretary, Executive Committee, JHADC, kong B Bamon ka ong: “Da kane la pynbna paidbah ba ka Executive Committee, Jaintia Hills Autonomous District Council, Jowai ka la sngewdei ban shna noh da ka ain ban ithuh ia baroh ki kur bad seng kur trai ri trai muluk kiba don hapoh u pud u sam ka Jaintia Hills Autonomous District Council.

Kumta la bthah ia baroh ki sengkur ban wan pynrung kyrteng ia ka sengkur jong ki, ia ki nongkitkam jong ka sengkur bad kumjuh ruh ban phah ia ki kur kiba kynthup hapoh ka sengkur jong ki hapoh 2 (ar) bnai naduh ka tarik ba la pynmih ia kane ka jingpynbna.”