Pynkhreh ka MSA ban iashimbynta sha ka 74th National Aquatics National Championship

Syllad | The Rising MeghalayaSeptember 18, 2021

Ka Meghalaya Swimming Association (MSA) haka sngi Saitjain ka la pynlong ïa ka jingpyrshang ne ka trials ia ki khynnah ia jngi jong ka jylla, kaba long kum shi bynta ban ioh ban jied pat ia ki ban leit ban mih khmat sha ka jingiakob jngi, ba la tip ia ka kum ka Glenmark 37th Sub Junior bad 47th Junior bad ka 74th National Aquatics National Championship kaban sa long ha Bengaluru ha u bnai Risaw u ban wan.

Ia kane ka jingpyrshang, ka MSA kala lah ba kan pynlong ha pung jngi Crinoline Swimming Pool, ba la wan ban iashim bynta da kiba bun ngut ki khynnah ba dang rit bad ruh kiba la sdang ban khie ban san.

U Bah Joe Marwein uba dei u nongialam ka synjuk, u iathuh ba u kyrwoh shah khot iashim bynta ia ka MSA u la wan poi na ki bor ba dei khmih jong kane ka jingiakob, kaba pynlong ia ka MSA ba kan hap ba kan shim mar mar ia ka jingpynlong ia kane ka jingpyrshang.

Ka jingkhot ka long ruh na ki katto katne ki synjuk ia jngi ba don ha ka jylla khamtam lei lei ia kito ki synjuk ne ki kynhun kiba la lah ban sei ia ki khynnah ia jngi kiba la kham paw, hynrei don ruh pat ki synjuk, kiba ka MSA kam shym la lah satia ba kan khot, na ki da bym lah ban kiar.

Hadien ba la dep ban pynlong ia ka jied ia ki khynnah, ka MSA kan sa khreh pat ba kan pynlong ia ka jingai jinghikai ne ka training ia ki khynnah ban sa wan ban ai da u nonghikai jngi ba dei napoh ka Assam Rifles.

Shuh shuh Bah Joe ula bynrap ba ha kane ka kynti leit iakhun kaba mynta, ka MSA kan sa khreh ruh ba kan pan ia ka song iarap pisa, kum shi bynta ban lah ha kaban pyndonkam haba iadei bad ka jingpynkhreh bad ruh ka jinghiar ban leit iakhun jong kane ka kynhun ka jylla sha katei ka rynsan iakob ban sa long ha Bengaluru.