Pynkhreh ka Sorkar ban thungkam sa 500 ngut ki nonghikai ha ki skul LP bad UP

Syllad | The Rising MeghalayaFebruary 15, 2025

Ka Tnad Pule Puthi ka Jylla ka la pynkhreh ban thungkam biang sa 500 ngut ki nonghikai ha ki skul Lower Primary bad Upper Primary jong ka Sorkar hapoh ka Jylla.

Ia kane la pyntip sa u Special Project Director ka SSA u Swapnil Tembe ha ka 14 tarik Rymphang.

“Kaba ngi sngewkhia ia mynta hi ka long halor ka jinglait jong ki kam hikai na ka bynta kumba 500 ngut ki nonghikai ha ki skul LP bad UP ha ka jylla,” ong u Tembe.

U Tembe u la ong ruh ba ha u snem ba la dep ka Tnad Pule Puthi ka la thungkam ia haduh kumba 1000 ngut ki nonghikai ha ki skul LP.

“Mynta ngi la pynkhreh ia ka roster (ne ka jingpynbeit ryntih iaka kam thung kam), bad mar ia aijingmynjur ia ka jingpynbna laitkam (Advertisement) da ka sorkar jylla kumta ruh yn sdang pyntreikam ia ki sienjam kaba iadei bad ka jingpynrung kam. Ngi dang pyrshang ban pyndep kloi katba lah ia kane ka kam,” u la ong.