Pynkhreh ka WJDSA ban pynlong iaka Under-17 Independence Day Cup

Syllad | The Rising MeghalayaJuly 18, 2024

U Hony. General Secretary, West Jaintia District Sports Association (WJDSA) u ma Lammat oo Laloo, ula pyntip ba ka WJDSA kan pynlong iaka Under-17 Independence Day Cup ha ka taiew ba nyngkong u bnai Nailar.

Kumta ka WJDSA kala khot wer ia kino kino kiba kwah iashimbynta ban ai kyrteng bad ka bai rung kalong T.2750/- ryngkat ka bai register player na ka bynta 25 ngut. Ka tarik ba khatduh ban siew bai rung kalong ha shuwa ka 25 tarik Naitung 2024.

U ma Lammat ula ong ba ka jingot snem ka long ia kiba kha naduh 01.09.2007, dei ban pynshisha da kaba rah ryngkat ki birth certificate bad Aadhaar card.

Ka Screening ne ka jurip ia ki khynnah ialehkai kan long haka 27 tarik Naitung naduh ka por 10.00 baje mynstep ha Kiang Nangbah Indoor Hall.