Pynkhuid bad pyllait symbai dohkha ka Seng Rangbah Katholik ha wah Myntdu

Syllad | The Rising MeghalayaOctober 2, 2021

Ka seng Rangbah Katholik Mihmyntdu, Jowai Parish haka sngi Saitjain kala pynlong ïaka jingpynkhuid wah Myntdu bad pyllait symbai dohkha ha kaba bynta ka wah kaba la tip kum ka Samanong.

La iadonlang u MDC ka Jowai North Ma Brightstar Chyrmang kum u kongsan ha ryngkat ka jingiadonlang u Ma Carmel Phawa, President Jaintia Fishing Association Mihmyntdu Unit, ki waheh dong ba kynthup u Sing Kyndait, u Precious Ryngkhlem bad u General Secretary Balang.

U Ma Brightstar haba kren ula kyntu iaka Seng Rangbah Katholik Mihmyntdu ba kan nang iai trei na ka bynta ka bha ka miat jong ki paidbah nongshong shnong bad ka imlang sahlang. Ula khot wer iaki paidbah ban iada iaki dohum doh pnat bad baroh ki jingthaw ba im ha shilynter ka wah Myntdu.

Ula ong ba ka jingmih ka Seng Rangbah Katholik ban pynkhuid iaka wah Myntdu bad pyllai symbai dohkha ka dei ka nuksa kaba bha kaba kiwei ruh ki dei ban bud ban iada iaka wah Myntdu.