Pynkhuid ki nongshong shnong ka Namdong B ïaki kyntoit bad surok Jowai Nartiang Khanduli

Syllad | The Rising MeghalayaAugust 6, 2021

Ban wanrah ïaka Shnong kaba khuid kaba suba kaba lait na shibun ki khñiang jingpang ki nongshong Shnong jong ka Namdong B ki la pynlong ka jingpynkhuid ïaki kyntoit shnong bad ki bynta jong ka surok Jowai Nartiang Khanduli ba hap hapoh ka shnong.

Ïa kane ka jingpynkhuid la pynlong haka sngi Palei haka jingïashim bynta lang da baroh ki samla kynthei bad shynrang, ki dkhot nongkitkam Shnong ba kynthup u Waheh Shnong u DS War, u Assistant Waheh Shnong u Pius Ksoo bad u Secretary Shong u Apostol Shadap.

Hadien ka jingpynkhuid, ki nongïalam ka VDP Shnong Namdong B ki la ai sngewbha da ki tin bret niut ( Dustbin) sha ka Dorbar Shnong bad ki la kyntu ïaki khun jong ka Shnong kumjuh ki nongleit nongwan ban leh khuid ha poh Shnong hapoh thaw.

U Waheh Shnong u DS War ula kyntu ïaki nongshong Shnong kumjuh ki nongleit nongwan ban kohnguh ïaki jingpynïaid jong ka Dorbar Shnong khnang ban lah ban ïakhun pyrshah ïaka jingjakhlia.