Pynkhuid shnong ki nongshong shnong ka Amlarem

Syllad | The Rising MeghalayaJuly 19, 2019

JOWAI: Ka Shnong Amlarem kala pynlong ia ka jingpynkhuid shnong ha ka 17 tarik une u bnai ha baroh kawei ka shnong Amlarem.

Ha kane ka jingpynkhuid shnong la iashimbynta da ki nongshong shnong kynthei bad shynrang, ki nongshong iew, ki driver bad ki nongshong iing wai. Ha kane ka jingpynkhuid shnong ki nongshong shnong kila pynkhuid ia ka iew Amlarem, ia ki dong ki shnat jong ka shnong Amlarem bad ia ki office kiba don mar jan bad ka shnong Amlarem.

U general secretary ka shnong Amlarem u Ma D Talang, ula ong ba ka shnong Amlarem ka pynpaw ka jingsngewnguh ia ka office jong ka SDO Civil Sub-Division Amlarem, Fire Service Amlarem, Association Local Tourist Dawki Jowai bad ia baroh ki nongiashim bynta ha katei ka jingpynkhuid shnong.