Pynkhuid surok ka Angel’s Garden Park, GHM Guest House bad ka shnong Caroline Colony

Syllad | The Rising MeghalayaJanuary 22, 2022

Ka Angel’s Garden Park Committee ha ryngkat ka GHM Guest House kaba don Jowai Intermediary Road ne ka surok ban kiar iaka sor Jowai kila pynlong iaka jingpynkhuid iaka surok bad ki rud jong ka wah Myntdu haka sngi Saitjain.

Ka jingthmu jong ka jingpynkhuid ka long ban pynneh pynsah ia ka khuid ka suba ha bynta jong kane ka jaka.

La iadonlang ki nongialam shnong ka Dorbar Shnong Caroline Colony Jowai, ka Environment Committee Dorbar Shnong Caroline Colony, ki Nongkitkam Ka Khoid Ya Ka Wah Myntdu bad ki nongshong shnong ka Caroline Colony.

Ka jingpynkhuid kala sdang naduh jingkieng Myntdu haduh Liar Watula (kyor) kaba hap hapoh u pud u sam ka Dorbar Shnong Caroline Colony.

Shuwa ban sdang ka jingpynkhuid kala don ka jingialang kaba lyngkot kaba pyniaid da u AT Gatphoh. La ioh jingkren na u KL Pariat, President KYKWM,  Waheh Shnong Caroline Colony Embhahlang Lyngdoh bad u G Marshial Lamar.

Baroh ki nongkren kila kyntu ia uwei pa uwei u nongshong shnong ban iatreilang ban wanrah iaka khuid ka suba.