Pynkup burom Balang Katholik Mihmyntdu bad ka Ai Jingim iaki nongai snam sngewbha

Syllad | The Rising MeghalayaNovember 6, 2021

Ki nongai snam sngewbha ne ki Blood Donors kila shah pynkup burom haka Seng Samla Balang Katholik, Mihmyntdu bad ka Ai Jingim Voluntary Blood Donors Organisation (AJVBDO) haka jingialang kaba long ha RC EVE Secondary School, Mihmyntdu.

U Kyrmen Shylla Myntri ka tnad Social Welfare, u MDC JHADC J Treilang Suchiang kila iadonlang ha kane ka jingialang kum ki kongsan bad symbud kongsan, ka Dr. P. Shylla Incharge Blood Bank Jowai, u Phadar Lawrence Pasweth Spiritual Youth Director Jowai Parish bad kiwei kiwei.

Kane ka jingpynkup burom ia ki nongai snam kiba don haduh 30 ngut ka long kum shibynta ban rakhe iaka lyngkhuh snem ba 15 snem ka Ai Jingim Voluntary Blood Donors Organisation haka jingshakri ban ai snam naduh u snem 2006.

Ha kane ka sngi la pynkup burom ruh ïaka Kong Elizebeth Shylla halor ka jingïarap kylluid mynsiem jong ka na ka bynta kito kiba kyrduh bam ha ka jong ka por khangdam n aka jingwan lynsher ka khlam COVID-19.

U Kyrmen Shylla haba kren ula ai khublei kyrpang ïaki nongai snam sngewbha kiba lyngba jong ki bun tylli ki mynsiem kila ioh iaka jingim. Ula ïaroh ïaka seng Samla Katholik Mihmyntdu bad ka Ai Jingim Organisation kiba la trei shitom bad kloi ban pynshlur ïaki briew da kaba pynlong ïaki prokram Blood Donation Camp haki por jong ka khim khait.

U Bah Shylla ula iathuh ruh ba ula sdang iaka Kyrmen Foundation kaba ula seng na ka bynta ban ïarap ïa kito kiba donkam kyrkieh ïaka snam.

Ka Dr. P. Shylla ka la ïathuh ba katkum ka jinglap jong ka, ka seng samla Katholik, Mihmyntdu ka la pynlong lai sien ïaki prokram synnïang snam sngewbha tang hapoh shisnem shiteng.

Kiwei kiwei kiba kren ki kynthup ia u Alwinson Laloo bad u Teibormi Dhar kiba dei ki nongai snam sngewbha. Kila khot wer ia kiwei ruh ban mih shakhmat ban ai snam ban iarap bad ai jingim iaki para briew.

Ha kane ka sngi la ot ruh ia u cake ban ia lehkmen iaka lyngkhuh snem ka Ai Jingim Voluntary Blood Donors Organisation