Pynkup burom ka ASSA & DBO Amlarem ïa u Phrangki Buam u ban ialehkai noh na ka FC Goa

Syllad | The Rising MeghalayaSeptember 23, 2020

Ka Amlarem Sub-Divisional Sports Association (ASSA) bad u Dr D Lyngdoh BDO jong ka Amlarem C&RD Block kila pynkup burom ïa u Phrangki Buam uba dei u rangialehkai ba kynsai jong ka Jylla uba na ka Shnong Thangbuli kaba hap hapoh ka Amlarem Sub-Division.

U Phrangki Buam udei u rangialehkai barim jong ka Shillong Lajong FC bad ula pyniasoh ialade bad ka FC Goa ha kane ka aiom ialehkai haka Indian Super League (ISL).

Kum ka dak ka jingai mynsiem bad kit bok kitrwiang ïa une u rangïalehkai mynta ka sngi Balang ka Amlarem Sub Divisional Sports Association (ASSA) bad u Dr D. Lyngdoh ki la pynkup burom ia une u rangïalehkai haka jingialang kaba ishongkun kaba la long ha Amlarem, West Jaintia Hills District.

La pyngkup burom ïa u da ka ryndia tlem, ki jingai sngewbha bad ka song pisa.

Haka jingpynkup burom kaba la pynlong da ka ASSA la ïadonlang ka President ka President Kong JU Kharpuri SDO Amlarem Civi Sub Division kumjuh u Woking President u ma P Pakyntein, u General Secretary Ma Dap Tariang, Sports Secretary Ma W. Khyriem bad kiwei.

Katba haka jingpynkup burom kaba la pynlong da u Dr D. Lyngdoh la ïadonlang u BDO ka Laskein Cum President Futsal Meghalaya u Dr. B Langbang, u District Sports Officer u Ma K Passah, u President ka Synjuk ki Rangbah Shnong u Daniel Khongsit haka jingïalang kaba la pynïaid da u General Secretary ASSA u Dap Tariang haka jingiadonlang ki ba haiing hasem jong u Phrangki Buam.

Baroh kiba la ai jingkren ki la ai ka jingkitbok kitrwiang ïa u Phrangki ba un ïoh ka met kaba koit kaba khiah bad ba un ïalehkai bha ha ka lympung ïalehkai ISL.