Pynkup burom ka bor synshar district WJH iaki khlur ialehkai ka NEOG

Syllad | The Rising MeghalayaDecember 22, 2022

Ka ophis u Deputy Commissioner ryngkat ka jingïatreilang ka ophis u District Sports Office, West Jaintia Hills District kila pynkup burom 18 ngut ki nongialehkai bad 3 ngut ki coach kiba la wan rah nam ïaka District haka lympung ïalehkai 2nd North East Olympics Games 2022.

ïaka jingïalang pynkup burom la pynlong ha Training Hall ka ophis u DC haka jingdonlang u MLA ka Jowai u Wailadmiki Shylla, u Deputy Commissioner u Bah BS Sohliya, u District Sports Officer (DSO) u Khroobok Passah, ki nongkitkam ka West Jaintia District Sports Association kynthup u Working President, u EMH Passah, Vice president Patrick Lamare, u General Secretary, Lammatoo Laloo bad kiwei kiwei.

Ki rang bad ki thei ïalehkai kiba shah pynkup burom ki don 18 ngut kynthup 4 ngut kiba ïoh ïaka takma ksiar, 10 ngut ki takma rupa, 8 ngut ki takma rnong bad 3 ngut ki Coach.

Na ki Athletic ki long u Kyrshanlang Shylla, u Marso Kyndait, ka Durka Nartiang, ka Damika R Lyngdoh, u Kermi Biam bad u Kelbinus Biam.

Ki nongialehkai Badminton ki dei u Mebanker Shullai, bad u Gregoreo Passah, haka Boxing u Badonkupar Synnah bad u Baiamutlang Synnah.

Katba haka Football ki long u Oresterwell Lyngshiang, Saveme Tariang, Figo Syndai, Wadajiedkynsai Ryngkhlem.

Haka Karate u Ram Lanong, haka Taekwondo u Honda o hi Papang bad ka Wrestling u Echwamidao Phawa. Haka Golf u Jason Passah.

Ki lai ngut ki coach ki kynthup ïa u Pleasantly Synnah na ka atheletic, u Mingson Rymbai na ka Karate bad u Chibaitmi Langstang na ka Taekwondo.