Pynkup burom ka DCIC iaki 25 ngut kiba pyndep iaka jinghikai tiar shna kti ha Sohkha Mission

Syllad | The Rising MeghalayaMarch 21, 2024

Ka tnad treikam jong ka District Commerce and Industries Centre (DCIC), Jowai, ha ka 20 tarik u Lber, kala pynkup burom ia ki 25 ngut ki ba lah pyndep ia ka jingshah hikai ban shna ia ki tiar shna kti bapher bapher kum ki Jewellery products bad ki Utility products (ki jingdeng bad ki tiar pyndonkam iing, da kaba pyndon kam da ki siej.

Kane ka jingai jinghikai ka lah iaid 25 sngi lynter ha ka shnong Sohkha Mission Village, la wan ai jinghiki da ki Master Craftsmen jong ka Neera Foundation. la kitei ki 25 ngut kiba la pyndep ia ka jingshah hikai lah pynkup burom da u Kongsan u Bah ML Wanshnong, Joint Director, Directorate of Commerce and Industries ha ryngkat ka jingdonlang u Bah S Majaw Retired General Manager, Ka Neera Sarmah, Director, Neera Foundation, Ka Kong SE Kharpran, Functional Manager DCIC Jowai, Bah S Pale, Industrial Promotion Officer DCIC Jowai, Bah P Suchen, Rangbah Shnong, Bah M Manner, Secretary Shnong lem bad kiwei.

U kongsan,ha ka jingkren jong u,u la iaroh ia ki ba ki la lah pyndon kam ia la ka sap lyngba ka jingshah hikai jong ki, u la kyntu ia ki ba ki dei ban pyndonkam hok ia ki jinghikai ba ki lah ioh bad ban pynjanai shuh shuh ia ka kam bad ki jingshna jongki.

Ha kane ka jingialang lah ioh ruh ia ki jingkren na u Bah P Suchen, ka Neera Sarmah bad Ka kong SE Kharpran, kumjuh ruh na ki ar ngut ki nong shah hikai kiba la pynsngew ia ka jingmyntoi ba ki ioh ha kine ki 25 sngi jong ka jingshah hikai jong ki.