Pynkup burom ka Dorbar Shnong Madankynsaw Mowkyndeng ia kiba pass bha haka SSLC bad HSSLC

Syllad | The Rising MeghalayaJune 16, 2024

Ka Dorbar Chnong Madankynsaw Mowkyndeng ha ryngkat ka Sein Khynrow Katholik Mowkyndeng haka 15 tarik Jylliew kala pynkup burom iaki samla pule kiba wan shakhmat haka eksamin SSLC bad HSSLC kiba pynlong da ka MBOSE.

Kine kiba shah pynkup burom ki kynthup iaka Monkynjailin Syngkon kaba wan haka kyrdan First Ten position haka HSSLC Arts Stream.

Nalor jong ka Monkynjailin la pynkup burom ia u Abraham PK Lyngdoh uba ioh marks bun eh haka Computer Science (99 na ka 100 ha ka SSLC bad Samuel Dkhar uba wan hakhmat eh hapoh ka shnong Mowkyndeng uba ioh 84.88 percent.

Ha kane ka jingpynkup burom la iadonlang u Bah Paul Synnah, EE ka PHE Electrical Division Jowai, Carmel Suchiang AS&WCO Jowai (T) Division, Principal St. Dominic’s Higher Sec. School Mawkyndeng u Rev. Fr.Richard Rapthap, ki sister, u Waheh Shnong Bah Rimanki Chympa ki dkhot shnong bad kiwei kiwei.