Pynkup burom ka JYF ia u nongialam barim ba rung sha ka jylli ka saiñ hima sima

Syllad | The Rising MeghalayaAugust 10, 2022

Ka Jaintia Youth Federation (JYF) kala pynkup burom ia u nongialam barim jong ka, u Damewanhi L Rymbai uba la rai ban rung sha ka jylli ka saiñ hima sima bad ban aireng haka elekshon MLA 2023 ka ban wan.

Ia kane ka jingpynkup burom ia u Damewanhi la pynlong ha ophis treikam ka JYF ha Mookyrdup haka sngi ba ar haka jingiadonlang u president ka JYF u Ombormi Tariang nalor kiwei kiwei ki dkhot ka JYF na ki unit bad circle bapher bapher.

Ka JYF kala ong ba kane ka jingpynkup burom kalong kum ka dak ban ai jingkyrkhu kyrdoh bad kitbok kitrwiang ia u Damewanhi halor ka jingthmu jong u ban ia ai reng ha kane ka MLA Election 2023.

Ka thong u Damewanhi kalong ban wanrah iaka jingkylla kaba salonsor khamtam hadien ba kane ka district kala shah ktah haka kamai kajih na ka jingkhang tih ia u dewiong bad un pyrshang ban weng iaki saiteh saikhum kiba khanglad iaka roi ka par u paidkar ha East Jaintia Hills District baroh kawei.