Pynkup burom ka KJP Synod Mihngi HSS ïaki arngut ba tyngshain haka SSLC bad HSSLC
JOWAI: Ka bor pynïaid jong ka skul KJP Synod Mihngi Higher Secondary School kala pynkup burom ïa ki ar ngut ki khynnah skul kiba tyngshain bad wanrah ïaka nam burom jong ka skul bad ka District haka kyrdan SSLC bad HSSLC haka resol kaba pynbna ka MBoSE dangshen.
Ïa kane ka jingpynkup burom ïa ki arngut ki khynnah skul la pynlong ha ïingskul jong ka KJP Synod Mihngi HSS haka sngi Thohdieng.
![](https://www.syllad.com/wp-content/uploads/2024/09/JIT-Vacancy-823x1024.avif)
Kine ki ar ngut ki khynnah skul ka dei ka Ibalahun Rymbai kaba la ïoh rung haka thup First Twenty bad kala wan haka kyrdan kaba 13 haka resol SSLC bad u U Khroo Meda Dkhar uba la wan haka kyrdan kaba hynriew haka HSSLC Science haka First Ten Position haka resol Higher Secondary School Leaving Certificate (HSSLC).
Kane ka skul na ki 72 ngut kiba ïakhun ïaka eksamin HSSLC 70 ngut kila pass bad ka haka SSLC 61 ngut kiba ïakhun 58 kiba pass.
Ïaka Ibalahun Rymbai la pynkup burom ïaka da award “Tbn. D. Blah Memorial Trophy Award” u principal ba nyngkong eh ka KJP Synod Mihngi HSS bad ïa u Khroo Meda Dkhar la pynkup burom da ka bor pynïaid ka skul. Kine ki arngut kila ïoh pdiang ïaka song pisa kaba san hajar tyngka marwei bad ka syrnod.
Ha kane ka juh ka sngi la pynkup burom ruh ïa baroh ki khynnah kiba pass bha.
U Ma Wailadmiki Shylla MLA ka Jowai uba long kum u kongsan ha kane ka jingpynkup burom ula ong ba ha ki sngi ki ia kiba mynta, ka jingnang jingstad ka dei kaba kongsan bad ula ban jur ïa khynnah skul ban minot khnang ba kin long ki myntoi jong ka imlang ka sahlang.
Nalor u Ma Wailadmiki la ïadonlang u Pastor BB Lamin, u Principal ka skul u Pastor Mechak Shylla, u Vice Principal Wanmi Passah, ki nonghikai bad ki khynnah skul.
Leave a Reply