Pynkup burom ka KSU Amkoi Unit iaki 15 ngut da ka Mait Shaphrang Award

Syllad | The Rising MeghalayaJuly 16, 2023

Ka Khasi Students Union (KSU) Amkoi Unit kala pynkup burom iaki 15 ngut ki samla kiba pass bha da ka “4th Mait Shaphrang Academic Award” haka ka shnong Amkoi, Amlarem Sub Division haka sngi Saitjain.

Kine ki 15 ngut ki samla ki dei kiba la pass bha haka eksamin SSLC bad HSSLC 2023. Ha kane ka juh ka sngi ka KSU kala pynkup burom ruh iaki arngut ki nonghikai.

Ïa ka jingialang la pynlong ha Amkoi Community Hall haka jingdonlang ka kongsan ka Sub Divisional Officer (SDO) Amlarem Kong JU Kharpuri, ka Sub-Division School Education Officer (SDSEO) Amlarem ka kong S Pyrtuh, ki nonghikai bad ki khynnah skul na ki lai tylli ki skul kynthup ka Lai Shnong Higher Secondary School Nongbareh, Khonglah Secondary School, Nongbareh Lyntiar Secondary School.

Ka jingthmu jong ka jingialang ka long ban pynshlur bad ai mynsiem ïaki khynnah bad samla pule kiba dei ka jingkyrmen ïaka lawei ka pateng ban wan.

Ki nongkren kynthup naduh ka Kong JU Kharpuri, ka Kong S Pyrtuh bad ki nongialam ka KSU kynthup naduh u president KSU West Jaintia u Laitphar Syngkrem, u Assistant Education Secretary CEC u Richard Malngiang, Assistant Finance Secretary KSU CEC Sonstar Nongkhlaw bad kiwei kiwei ki la kyntu iaki khynnah bad samla ban nangiai trei shitom haki jingpule kiba kham shalor.

Ha kane ka juk ka sngi ka KSU ka la pynskhem iaki nongkitkam ka KSU Amkoi Unit bad u president KSU West Jaintia u Laitphar Synkrem ula aiti iaka riti treikam jong ka KSU sha u president KSU Amkoi Unit u Kyrpang Lamin.