Pynkup burom ka KSU-EJHD ia ka Rukini ba ioh khur takma Rupa ha ka jingiakop mareh ha West Bengal

Syllad | The Rising MeghalayaNovember 2, 2023

Ka Khasi Students’ Union (KSU), East Jaintia Hills District Unit haka sngi Balang lyngba ka Sports Committee kala pynkurp burom ia ka heprit Rukini Dkhar hapoh ka iingsah jong ka hadien ka jingioh khur iaka takma Rupa ha ka jingiakop mareh jong ki  U- 14 Girls’ 600 m Race ha ka lympung ialehkai 34 East Zone Champion 2023 kaba la long ha jylla West Bengal dangshen.

Ka KSU ka dap da ka jingsngewsarong na ka bynta kane ka heprit namar ka jingtrei shitom jong ka kat haduh ba ka la wanrah ia ka nam ka burom ym tang ia ka shnong ka thaw, hynrei ia ka district bad ia ka jylla hi baroh kawei.

Na ka liang ka KSU ha u kyrwoh bala phah u samla Hamewanpynhun Ryngkhlem, Publicity Secretary ula pynpaw ba ka seng ka kyrmen skhem ba ha ki sngi ki por ki ba wan kane ka heprit kan ioh ia ka jingjop sa ha kiwei pat ki jingiakop bapher bapher ki ban dang bteng ban pynlong nangne shakhmat.

Ka KSU ka sngewkmen ban tip ba kane ka heprit ka la shah jied haka Sports Authority of India (SAI), Shillong ban shah pyntbit ialade ha kane ka shlem ai jinghiakai ia ki khynnah bad ki samla don sap ha ka kam ialehkai bapher bapher.

Kumta ka KSU kala kitbok kitrwiang ia kane ka heprit ba kan nangkiew shaphrang ha ka kam ialehkai bad kumjuh ka kitbok ba kan leitsuk sha katei ka shlem aijinghikai jong ka SAI, Shillong bad ruh ba kan nangtrei shitom shuh shuh.