Pynkup burom ka KSU iaki nongai dawai kynbat bad ki khynnah skul ha Lejri, ka shnong ha khappud India Bangladesh

Syllad | The Rising MeghalayaDecember 23, 2024

Haka sien nyngkong eh ka Khasi Students’ Union (KSU) Lejri Unit, kala pynkup burom iaki nongai dawai kynbat bad ia kawei ka nongpynkha kha khun kumjuh iaki khynnah skul kiba pass bha haka eksam SSLC bad HSSLC haka shnong Lejri.

Ka shnong Lejri ka dei ka shnong kaba don ha khappud India Bangladesh kaba dang sahdien bha baroh ki liang haka roi ka par.

Ka KSU kum shibynta ban ai mynsiem bad pynshlur ia ki para doh para snam kiba sah ha ki thain khappud kala shim ia kane ka sienjam ban pynkup burom iaki 10 ngut khynnah skul bad samla pule kiba pass iaka eksam SSLC, HSSLC bad degree level da ka “1st Mait Shaphrang Academic Award 2024”.

Ia kane ka jingpynkupburom ka KSU kala pynlong haka 20 tarik Nohprah.

Ha kane ka juh ka sngi kala pynburom ruh iaki lai ngut kynthup iaka longkmie kaba ai jingsumar haba kha khun ki longkmie ha katei ka shnong. Kane ka longkmie ka dei ka kong Rina Lamin bad ar ngut ki nongai dawa kynbat u bah Stone Khongïong nongsumar ia kiba kheiñ shyieng bad u Kil Langshiang nongsumar ia kiba shah puh bseiñ.

U samla Shaniahskhem Dkhar, finance secretary KSU EJHDU ula long kum u kongsan haka jingiadonlang u Bah KS Suchiang President KSU Narpuh Circle, samla Deniwan Lyngdoh Organising Secretary KSU EJHDU, u Bah Ajmol Pohsyntiew Rangbah shnong Lejri, ki riew rangbah ka shnong Lejri.

U samla Pynshngaiñ Lamin u la ai jingkren lyngkot kum ka jingkren pdiang ia baroh. La pyniaid ia ka program da u samla Mathues Tariang General Secretary KSU Lejri Unit.