Pynkup burom ka KSU Jowai Unit ia ki topper ka SSLC

Syllad | The Rising MeghalayaJune 26, 2022

Ka Khasi Students Union (KSU), Jowai Unit kala pynkup burom ia ki ar ngut ki samla kiba ioh rung haka first twenty haka exam SSLC jong ka MBoSE haka sngi Thohdieng.

Kine ki ar ngut kiba la shah pynkup burom ki dei u Weibha Nongtdu Lakiang ka North Liberty Higher Secondary School bad ka Felicia Dan jong ka Jaintia Secondary School.

Ha kane ka jingpynkup burom ia ki samla la iadonlang kiba haiing hasem jong ki.

U nongialam barim KSU Ohibait Dkhar, ula pynkymaw iaka reservation policy bad ula ong ba kane ka bhah kyrpang ha jylla haba ianujor bad kiwei ki jaidbynriew ki Khasi ngi donkam iaki percentage baheh ban ioh leit pule doctor bad kiwei kiwei ki lain pule.

Ula ong ba ki khynnah pule Khasi Jaintia ki donkam ban trei shitom bad minot khnang ban ioh ia katta ka percentage baheh ban poi sha ka thong.

Kiwei kiwei kiba iadonlang ki dei u president KSU Jowai Ewanmi Phawa, general secretary Leonard Dhar, publicity secretary Nidapoi Shadap.