Pynkup burom ka KSU Mawprem ia u khynnah ba wan haka Top 20 haka eksam SSLC

Syllad | The Rising MeghalayaMay 31, 2023

Ka Khasi Students’ Union (KSU) Mawprem Circle kala pynkup burom ia uwei na ki samla ba pass haka kyrdan Top 20 haka Secondary School Leaving Certificate jong une u snem ha kane ka sngi Saitjain jong ka taiew kaba la dep.

Une u khynnah uba la shah pynkup burom u dei u Addiel J Surong na ka skul Govt. Boys’ Higher Secondary School, Shillong uba haka kyrdon 20 haka Top 20 haka eksamin SSLC jong ka MBOSE.

U Addiel J Surong u dei u khun ba khatdduh jong ka kong Bandona Surong bad u Bah Cornelius Laloo kiba shong ba sah hapoh ka Shnong Lower Mawprem, Pdengshnong.

Ha kane ka jingpynkup burom ia u Addiel la lam khmat da u samla Pynshngaiñ Lyngdoh, Asst. Education Secretary bad u Samla Basuklang N. Khongwar, Litigation Secretary ha ryngkat ka jingiadon lang ki katto katne ki dkhot ka KSU.