Pynkup burom ka KSU Narpuh 44 ngut da ka Mait Shaphrang Academic Award

Syllad | The Rising MeghalayaNovember 26, 2021

Ka Khasi Students’ Union (KSU) Narpuh Circle haka sngi Palei kala pynkup burom iaki 44 ngut ki samla pule kiba pass bha haka SSLC, HSSLC, Degree bad Master degree da ka “10th Mait Shaphrang Academic Award 2021”

Ia kane ka prokram pynkup burom la pynlong ha Lumshnong Community. Ki samla kiba la shah pynkup burom ki dei kiba shong ba haka thain Narpuh Elaka

U president barim ka KSU u Daniel Khyriem ula long kum u kongsan bad u Shiningstar Kharbihkhiew Assistant Education Secretary KSU CEC kum u symbud kongsan.

Kiwei kiwei kiba iadonlang ki kynthup ia u Satly Ryngkhlem vice rresident KSU Khliehriat circle, u R Molin Bamon president barim ka KSU Narpuh, u Streamly N Suchen Finance Secretary KSU JHDU, Ohibait Dkhar president KSU JHDU. La pyniaid ia ka prokram da u KS Suchiang President KSU Narpuh Circle.