Pynkup burom ka KSU Narpuh ia ki 36 ngut ki samla kiba pass bha ha ki jingpule
Ka Khasi Students’ Union (KSU) Narpuh Circle haka sngi ba Ar ka la ioh ban pynkup burom ia haduh 36 ngut ki samla pule ka thaiñ Narpuh kiba wan shakhmat (First Division) ha ki exam SSLC, HSSLC, Degree, Master Degree bad kiwei kiwei ki jingpule jong une u snem 2023.
Ha kane ka sngi la ioh ruh ban pynkup burom ia ki khynnah skul kiba wan shakhmat ha ka jingiakop thoh Slogan Writing Competition bad Drawing Competition kaba la dep ban pynlong ha ka sngi kyrpang pynneh mariang ne ka ‘World Environment Day’ ha ka 5 tarik u Jylliew 2023.
Ha kane ka program ba la pynlong ha Divine Word Sec. School, Lumshnong ha kaba la ia don lang ruh u samla Donald V Thabah general secretary KSU CEC, Shillong kum u Kongsan bad samla Pynkmenlang Sanmiet Education Secretary KSU CEC kum u Symbud Kongsan ha ka jingiadon lang ki nongialam KSU na East Jaiñtia Hills District, kata naduh u samla rangbah Streamly N Suchen President, Shaniah Dkhar Finance Secretary, Cherity Suja Assistant Finance Secretary bad kiwei kiwei kynthup ruh ia ki rangbah shnong naduh u Bah Monlang Ladong rangbah shnong Lumshnong, Bah Wairis Suchen rangbah shnong Tongseng Narpuh, Bah Wailen Syih rangbah shnong Shymplong, Bah Robi Suchiang rangbah shnong Umstaiñ bad kiwei kiwei.
Ha kane ka jingialang ba la pyniaid a u Bah KS Suchiang President KSU Narpuh circle la ioh ruh ka jingkren naduh u Phadar Mathew uba dei u Principal jong ka Divine Word Sec. School Lumshnong, u babu Treyo Rambai nonghikai jong ka Chiehruphi Sec. School, Wailen Syih, Monlang Ladong, Streamly N Suchen, Samla Pynkmenlang Sanmiet Symbud Kongsan bad u Kongsan u samla D. Thabah.
La pynshongkun shuh shuh ia ka lympung da ka jingshad ki samla na Lumshnong.
Facebook
Instagram
Youtube
Twitter
Leave a Reply