Pynkup burom ka KSU Wapung da ka Maitshaphrang Award iaki 31 ngut
Ka Khasi Students’ Union (KSU) Wapung Unit kala pynkup burom ia ki 31 khynnah skul ba pass bha haka eksamin SSLC bad HSSLC da ka ‘2nd Maitshaphrang Academic Award 2021’ ban pynshlur shuh shuh iaki haka pule ka puthi jong ki haka 20 tarik une u bnai.
Ki khynnah ba ioh ia kane kane ka award ki kynthup ki khynnah skul na ka Shnong Wapung Shnong, Wapung Skur, Mookhep, Tuberkmaishnong bad ka Tuber Shohshrieh.
Ha kane ka sngi ka KSU kala pynkup burom ruh iaki ar ngut ki nonghikai kiba la ioh iaka District Award haka Teachers Day jong une u snem kiba kynthup ia u Ma Heipor Uni Bang, Headmaster KB Memorial SS, Wapung bad ka Kong Phahdakaru Vicomevity Siangshai, Head Teacher, Wapung Skur Govt LP School Wapung.
La pyllait paidbah ruh iaka sur jngrwai ‘Wat Aili’ kaba la pynbit pynbiang da ka KSU Wapung Unit.
Ha kane ka jingpynkup burom la iadonlang u president ka KSU central body Lambokstarwell Marngar uba long kum u kongsan, u symbud kongsan u ba dei ruh u Deputy CEM ka JHADC Lasky Rymbai, ki nongialam ka KSU na kylleng ki tnad bad kiwei kiwei.
Facebook
Instagram
Youtube
Twitter
Leave a Reply