Pynkup burom ka KSU War Jaintia iaki khynnah ba pass bha & iaki myntoi ka imlang sahlang

Syllad | The Rising MeghalayaOctober 31, 2020

Ka Khasi Students’ Union (KSU) War Jaintia Circle kala pynkup burom iaki khynnah bad samla pule kiba pass bha haka kyrdan pule bapher bapher da ka “3rd Maitshaphrang Academic Award” haka sngi Thohdieng sha ki ioh khur haduh 70 percent shaneng.

Ia kane ka prokram pynkup burom la pynlong ha Enowell Hall, Amlarem haka jingiadolang ka Kong JU Kharpuri (MCS) Sub Divisional Officer, Amlarem Civil Sub Division, u Dr. Damuthimi Lyngdoh Block Development Officer C&RD Block Amlarem, u Ostarnic Marbniang, organising secretary ka KSU central body, u Laitphar Syngkrem, u Lurman Talang ki nongialam ka KSU War Jaintia nalor kiwei kiwei.

Kidon haduh 15 ngut ki khynnah bad samla pule kiba la shah pynkup burom.

La pynkup burom ruh iaki doktor, ka VDP Amlarem kiba dei ki briew kiba hakhmat ban mihshakhmat ban iakhun pyrshah iaka khlam COVID-19 bad ïa uwei u riew rangbah u Froveling Pakynteiñ

Haka kam ialehkai la pynkup burom ia u ïa u Sambor Surong na ka Shnong Amladkhur, u Certified Mountaineering Instructor uba la rung haka thup Guinness World Records uba la shim bynta haka jingthep bun eh ki dur kiew lum makashang haka facebook bad ia u Dapmon Tariang na Jarain uba la pyndep iaka All India Football Federation AFC B Diploma Football Coach. U Dapmon u dei ruh uwei na ki samla rangbah uba don ka jingangnud ban kyntiew iaka kam ialehkai football ha War Jaintia lyngba ka ASSA.

Ki samla pule kiba ioh pdiang iaka 3rd Maitshaphrang Academic Award kilong kine harum:

Lakhon Larry Brown Khonglah, SSLC, Sohkha Govt. HSS, Sohkha – 91.33%

Cesilla Khonglah, SSLC, Riwar Jaintia Church of God SS, Ladjaplem – 76.66 %

Leki Siangshai, SSLC, Govt. Boys’ Higher Secondary School, Jowai – 79.50 % 

Livingstone Jungai, SSLC, Ka SyiemJingsuk Secondary School, Amlarem – 82.83 %

Lakhimai Tariang, SSLC, Govt. HSS, Jowai, 75.66% CBSE & HSSLC

Jeremi Kassar Class XII, CBSE, JNV Mukhla 80.8% 

Lucent Lamin Rymbui, Class XII, CBSE, JNV Mukhla, 73%

Jerila Khonglah, Class XII, CBSE, JNV Mukhla, 81.4%

John Lamin, Class XII, CBSE, JNV Mukhla 86.4%

Balarishisha Khongiong, Class XII, CBSE, JNV Mukhla 89.8%

Deimonmi Sana, Class XII, CBSE, JNV Mukhla 72.6%

Effloresce N Buam, Class XII, CBSE, JNV Mukhla 94%

Salansi Pohleng, HSSLC (Science) Govt. Boy’s HSS, Jowai 82.8 %

Banshan Tariang, Class XII, CBSE, JNV Mukhla 82.4%

Narius Gashnga, HSSLC (Science), Shillong College Higher Secondary Education, Shillong – 70.4 %.

La pynkup burom ruh ïaki 6 ngut ki doctor kynthup ïa u Dr. Simon P. Khonglah, P.H.C, Dawki, u Dr. Hairvis Pakem, P.H.C, Dawki, u Dr. Kordor Mukhim, C.H.C, Nongtalang, u Dr. Arwin Khonglah, State Dispensary Padu, ka Dr. Blesscynora Sutnga, P.H.C, Jarain bad u Dr. Hamarbabiang Synmon, P.H.C Pdengshakap.