Pynkup burom ka Kur Dkhar ia kiba rah nam burom ka kur bad kiba shakri ha ki kam bapher bapher

Syllad | The Rising MeghalayaDecember 2, 2019

KHLIEHRIAT: Ka Seiñ Kur Dkhar Jaiñtia Hills- Wapung Circle kala pynkup burom ia ki samla pule kiba la pass ha ki kyrdan bapher bapher bad ki riewpawkhmat jong ka Kur Dkhar haka jingïalang pynkup burom kaba long ha Wapung haka 30 tarik u Naiwieng.

Ka “General Meeting (Dorbar Kur) cum Excellence Award – 2019”, jong ka Seiñ Kur Dkhar Jaiñtia Hills- Wapung Circle kum ka dak ka jingithuh bad ai mynsiem ïaki samla kiba n aka kur Dkhar kiba la wanrah nam burom ïaka kur kumjuh ïaka iing ka sem jong ki, ka Kur Dkhar kala pynkup burom bad ai ïaki khusnam bad ki syrnod sha ki 25 ngut ki khun jong ka Kur Dkhar.

Kine ki 25 ngut ki dei kiba la shah pynkup burom kidei kiba la shakri haki kam bapher bapher naduh ki nongmihkhmat paidbah, doctor, engineer, advocate, nonghikai bad ki samla pule kiba dang bteng ïaka jingpule ha ki kyrdan bapher bapher

La pyniaid ia katei ka jingialang dobar kur bad ka jingpynkup burom da u M H Dkhar, Adviser jong ka kur Dkhar.

U ma Phasmon Dkhar ula long kum u kongsan, u ma Justine Dkhar, Ex. MLA, nongshahkhot sngewbha ba kyrpang bad kiwei kiwei ki nongialam jong ka Kur Dkhar na kylleng ka Rilum Jaiñtia.

Ka Sein Kur Dkhar Jaintia Hills, Wapung Circle kala pynkup burom ïa u CA Premi Dkhar na ka Iongkaluh, Dr. Wanroi Dkhar, MBBS (OBG), Iongkaluh, Dr. Pynthymmelangki Dkhar, MBBS, Wapungshnong, Dr. Sooki Dkhar, BHMS, Jaliyiah, Dr. Mercy L Dkhar (PT), Iongkaluh, u Deil Dkhar, B. Tech, in Computer Science Engineering, Wapungshnong, ka Deimonhi Dkhar, B. Tech, in Civil Engineering, Tuber Shohshrieh.

La pynkup burom ruh ia u  Victor Dkhar, B. Tech, in Civil Engineering, Wapungskur, u  Simon Pius Fidelish Dkhar, B.E, in Electrical & Electronics, Iongkaluh, Adv. Pynshai Kupar M Dkhar, BA. LL.B (Hons), Wapungshnong, Adv. Joplangki Dkhar, BA. LL.B (Hons), Wapungshnong, Adv. Deimonmi Dkhar, BA (Eng.) LL.B, Wapungskur, Adv. Shan Miki Dkhar, BA. LL.B (Hons), Ka Riakor Dkhar, MA (Sociology), B.Ed), Wapungshnong, u Shiningstar Dkhar, M.Sc (Chemistry) Iongkaluh, ka Embhalang Dkhar, MA (Khasi), Wapungshnong, ka. Premica Dkhar, B.Sc (Hospitality & Hotel Admn.), Wapungskur, ka Miranda Dkhar, Bachelor of Design (Accessory Design) bad kiwei kiwei ki khynnah kiba la pass haka matrik.

ka Kur Dkhar kala pynkup burom ruh ia u Ma Phasmon Dkhar, MDC, EM, JHADC, Jowai uba kum u nongmihkhmat ula ai ka jingshakri kaba pura ia u paidbah.

U ma Phasmon haba kren ula iaroh iaka jingtrei shitom ka kur Dkhar, Wapung Circle halor ka jingtrei shitom jong ka ban pynlong ia kane ka prokram kaba ai mynsiem ia ki khun jong ka Kur Dkhar ban kin pynneh pynsah iaka nam ka burom jong ka kur pateng la pateng.

U ma Justine Dkhar, MLA barim ka thain ula kyntu ia ka Kur Dkhar ba kin buh ia ka jingiaieit, ka jingiatylli, ka jingiasngew jan bad ruh ka jingiarap ba markylliang ha khmat eh la ki kino kino ki bynta ba donkam ban roi ban par ka kur.