Pynkup burom ka kur Dkhar ia u samla ba wan haka kyrdan top ten haka eksam HSSLC

Syllad | The Rising MeghalayaJuly 15, 2020

Ka Sein Kur Dkhar kala pynkup burom ia u samla Ajay Dkhar uba la ioh rung haka kyrdan kaba 6 haka thup jong ka First Ten Positions haka eksam HSSLC naka Commerce Stream kaba la pynbna ka MBOSE dangshen.

Ki nongialam ka Sein Kur Dkhar kaba kynthup iaka tnad Wapung Circle, Seiñ Kur Dkhar na East bad West jaintia Hills mynta ka sngi kila hiar sha ka iing jong u Ajay Dkhar, u khun jong u ma Empor Dkhar, ha Mookhep, East Jaintia Hills District ban pynkup burom ia u da kaba ai iaki tiar sah kynmaw bad ka pisa T.15450/-.

Ha kane ka jingpynkup burom ki nongialam ka Kur Dkhar naduh u ma Shaniahskhem Dkhar, President, Seiñ Kur Dkhar Jaiñtia Hills, Wapung Circle, u Justine Dkhar, Ex. MLA, Adviser, Seiñ Kur Dkhar Jaiñtia Hills, EJHD, u Teras Dkhar, President, Seiñ Kur Dkhar Jaiñtia Hills, EJHD, u Mr. Harvis Dkhar, President, Seiñ Kur Dkhar Jaiñtia Hills, WJHD, u Hamjhan Dkhar, Genl. Secretary, Seiñ Kur Dkhar Jaiñtia Hills, Central Body kila ai jingkren ban kitbok kitrwiang ia une u samla ban u nang trei shitom shitom haka pule ka puthi ka jong u ban jop haka jingim. Ia ka jingialang la pyniaid da u M H Dkhar, Adviser, Seiñ Kur Dkhar Jaiñtia Hills, Wapung Circle.

Baroh ki nongialam ka Kur Dkhar kila pynpaw ka jingiaroh ia u Ajay Dkhar uba ka jingduk kam lah ban khanglad ia u ban jop bad ban poi sha kane ka thong. Kila pynpaw ba kane ka jingwan jong u Ajay haka kyrdan kaba 6 haka top ten jong ka MBOSE kala wanrah burom ym tang ia ka iing ka sem jong u, ia ka shnong Mookhep, ia ka school ba u pule, hynrei iaka kur bad ka District East Jaintia Hills Baroh kawei.