Pynkup burom ka North Liberty HSS ïa ki khynnah skul ba pass haka SSLC bad HSSLC kynthup ïaki 20 ngut kiba pass JEE & NEET

Syllad | The Rising MeghalayaJune 16, 2019

JOWAI: Ka North Liberty Higher Secondary School, Jowai kala pynkup burom ïa baroh ki khynnah skul jong ka kiba la pass bha haka eksamin SSLC bad HSSLC jong ka MBOSE kaba kynthup ïaki 14 ngut ki pass ïaka NEET bad 6 Ngut ki pass iaka JEE Main Entrance ban pule haka lain doktor bad engineer haka sngi Saitjaiñ ha phyllaw jong ka skul ha Mookyrdup, Ladthadlaboh, Jowai.

U Principal ka school North Liberty HSS Babu Richard B Uriah ula pynbna ruh ha kane sngi ïaki arngut kiba ioh scholarship ne ki ba ioh rung klas haka XI Science khlem da hap ban siew eiei ban leit skul.

Kine ki arngut ki dei ka Jorida Tang bad u Da-oo-tei-ki Maya Garod kiba duna tang 3 bad 8 marks bad rung haka Top 20 haka resol matrik.

Ha kane jingpynkup burom ïa ki khynnah skul jong ka North Liberty la ïadonlang u Symbud Myntri Rangbah barim ka Jylla u Dr. RC Laloo, u ma WL Lyngdoh Retired Additional Director DSEL bad Jt. State Secretary Bharat Scouts & Guides, kiba shah khot sngewbha bad ki kmie ki kpa jong ki khynnah skul.

Kane ka jingpynkup burom jong ka North Liberty HSS kan dei ka sien kaba shiphew.

La pynkup burom kyrpang ruh ïa u Berrenice Anerict Tang bad u Kamphereiei Pala kiba wan haka kyrdan ba lai bad ba phra haka thup First Ten Position haka resol Higher Secondary School Leaving Certificate (HSSLC) ka MBoSE bad ka bor pyniaid skul kala ai da ka khusnam bad syrnod certificate.

Ha kane ka jingpynkup burom la pynbyrngia da ka jingrwai jingshad kaba la iashimbynta da ki khynnah skul bad ki khynnah NEIMA.

Haka juh ka por la pynkup burom ïaki khynnah ialehkai football jong ka skul kiban mihkhmat iaka District West Jaiñtia sha ka State level haka Under-14 Boys bad Under-17 Boys and Girls.