Pynkup burom ka Panaliar Secondary School ïaki khynnah ba pass SSLC
JOWAI: Ka School Managing Committee jong ka Panaliar Secondary School, Jowai kala pynkup burom iaki 15 ngut ki khynnah skul kiba la pass bha haka eksamin SSLC jong ka Meghalaya Board of School Education (MBOSE).
U Waheh shnong ka Panaliar u Ma Riquoma Rq. Laloo haba kren kum u kongsan ula ong kane ka skul naduh mynshwa kala paw ha ki jingakhun eksamin Lower Primary Scholarship.
![](https://www.syllad.com/wp-content/uploads/2024/09/JIT-Vacancy-823x1024.avif)
Ula ïathuh ba ïa kane ka skul la seng naduh u snem 1944 bad la tip kyrteng iaka kum ka Pohmusiang bad ha u snem 1946 la pynkylla ïaka kyrteng sha ka Panaliar. Ula kitbok kitrwiang ïaki khynnah skul bad kyntu ïa baroh ban buh ïaka thong haka jingim pule puthi ban long ki myntoi ka imlang ka sahlang.
Ha kane ka sngi la pynkup burom kyrpang ïa u Lemiki Suchiang uba la wan haka kyrdan First Division bad ioh ruh artylli ki Distinction haka sobjek Maths bad Health Education.
Ka SMC jong ka skul kala pynkup burom haduh 15 ngut ki khynnah iakhun matrik na kane ka skul.
Ha kane ka sngi pynkup burom iaka jingïalang la pyniaid da u Phrangsngi Challam, ki kyntien pdiang na u Barleemoore Shilla bad ka Sawada Bamon Headmaster bad kiwei kiwei ki riew rangbah ka shnong.
Leave a Reply