Pynkup burom ka Seiñ Kur Dkhar iaki samla kiba pass bha thaw tnad ha Ladwah Wapung Umsatai

Syllad | The Rising MeghalayaMarch 6, 2022

Ka Seiñ Kur Dkhar haka sngi Saitjain kala pynkupburom iaki khun samla ka kur Dkhar kiba pass bha ha ki eksamin bapher bapher bad thaw ruh iaka tnad ka Seiñ Kur Dkhar Ladwah Wapung Umsatai.

Ka jingthmu jong ka kur ban pynkha ïaka tnad treikam ka long ban ithuh ithaw para kur khnang ban lait na ka jingshongkha sang bad ruh ban ïajan ha baroh ki kam la kadei ka kam lehkmen leh sngewbha ne ka kam sngewsih.

Ïaka jingïalang la pynïaid da u Shaniahskhem Dkhar bad la ïoh ka jingkren pdiang sngewbha na Seiros Dkhar, ki jingsneng jingkyntu na u Pdianghun Dkhar General secretary jong ka seng kur East Jaintia Hills, u Cabriel Dkhar, u Emerick Dkhar, u Justine Dkhar MLA barim, u Hamjhan Dkhar General secretary jong ka sengkmie seng kur Dkhar bad kiwei kiwei.

Baroh ki nongkren ki la kyntu ïaki para kur ban don ka jingïadei jingmut ha kino kino ki kam bad ban ri syndong la ka akor burom bad ban ïatylli para kur khamtam haba don jingeh jingshitom.

Ki nongkitkam Seiñ Kur Dkhar Ladwah Wapung Umsatai ki kynthup ia u president Pyrshang Dkhar, vice president Sunidakut Dkhar, general secretary Philip Dkhar, assistant secretary Kong Jiotis Dkhar, treasurer Kong Thwentis Dkhar, adviser Oris Dkhar bad Chosly Dkhar bad 11 ngut ki Executive Members.