Pynkup burom ka Sein Kur Dkhar Jowai iaki lai ngut

Syllad | The Rising MeghalayaOctober 21, 2024

Ka Seiñ Kur Dkhar Jowai Unit kala pynkup burom iaki lai ngut kiba jop haka jingpule haka jingialang paidbah ka sein kur kaba long haka 19 tarik u Risaw ha iing dorbar ka shnong Tpeppale, Jowai.

Kine ki lai ngut ki kynthup ia u Lamshwami Da oo Dkhar, u khun jong u Moilang Langshiang bad ka Sumarbha Dkhar na Chutwakhu Jowai u ba ioh iaka kyrdan First Class 6th position B.Sc honours Environmental Studies na Shillong College, u Dr Lincoln Dkhar u khun jong u Frando Sungoh bad ka Delta Dkhar na Chilliang Raj Jowai uba la ioh iaka kyrdan Doctor of Philosophy ha ka Chemistry – Ka thesis jong u ka dei halor ka- “Synthesis, characterization and biological activity evaluation of d⁶ metal complexes comprising ƞ⁵ and ƞ⁶ cyclic-π-perimeter hydrocarbons with nitrogen and sulphur donor ligands”.

Ka Dr Deinichwa Dkhar ka khon u Ram Samati bad ka Paiadakawan Dkhar na Chutwakhu Jowai kaba la ioh iaka kyrdan Doctor of Philosophy haka Agricultural Extension katkum ka Thesis jong ka ” A critical study of modernization of Tribes and knowledge on processing of Non – Timber Forest Products in Meghalaya” na ka skul bah Agricultural University Science Bangalore Karnataka.

Ia kine ki lai ngut la pynkup burom da u Heipor Dkhar finance secretary ka seiñ kur, ka Chynna Dkhar, u Harwis Dkhar President ka Seiñ kur Dkhar West Jaintia Hills uba long ruh kum u kongsan ha kane ka sngi. Kum ka dak ban sah kynmaw la aiti da ki citation, ka song poisa bad ka ryndia tlem sha kine ki lai ngut.

Ia ka jingialang la pyniaid da u ma Emerick Dkhar chairman Seiñ Kur Dkhar Jowai Unit