Pynkup burom ka Sein Kur Pale iaki 8 ngut kiba jop haka pule puthi haka jingialang paidbah ha Wahiajer

Syllad | The Rising MeghalayaFebruary 6, 2025

Ka Seng Kur Pale ha ka 5 tarik Rymphang ka la ioh ban pynlong ia ka jingialang paidbah ne ka General Meeting ha shnong Wahiajer, West Jaintia Hills.

Ha kane ka sngi, ka Kur Pale ka la ioh ban pyndep ia ki kam bapher bapher jong ka kur, ryngkat ka jingsneng jingkraw na ki riew rangbah. Ia ka jingialang la pyniaid da u Vice President, Ma Yoisingh Pale. La ioh ruh ka jingduwai ha kaba sdang ia ka jingialang da u Rev. H.L Pale, katba ia ka lama kur la pynher da u Ma Chot Pale.

Kiwei pat kiba la ai jingkren ha kane ka sngi ki long u Ma Widarlan Pale bad Ma Phomly Pale, katba ia ki ktien ai khublei la ioh na u Ma Jeming Pale.

Ha kane ka jingialang, ka Kur Pale ka la ioh ruh ban pynkup burom ia ki khun ka kur kiba la leh bha ha ka pule puthi. U President ka Seng Kur Pale, Ma Elnathan Pale, u la kyntu ia ki kur ba kin long kiba tip sngi bad ban ri ia ka akor ka burom bad don iaka mynsiem jong ka jingiatylli. U la ong ruh ba ngi dei ban burom ia ki nongbsa ia ka iing ka sem jong ngi. U la kyntu ruh ba hapoh ka kur ym dei ban khein niam ne politik, kumjuh ruh ban kiar na ki jingdih buaid ba bun jait.

Ula pyntip ruh iaki tiar sah kynmaw ne ki memento la synniang da ka Jaintia Hills Cements Manufacturing Association (JHCMA).

Ha ka jingpynkup burom ia ki Kur Pale ha ki kyrdan bapher bapher, u Ma Wailadmiki Shylla MLA & Chairman ka MUDA u la long u kongsan. Ha kaba ai jingkren, u la kyntu ia ka Kur Pale ba kin don ka jingiatylli bad ka jingiaieit. U la ai jingiaroh ia ki khun ka kur kiba la leh bha ha ka pule puthi. U la pynpaw ruh ba ka District Council kan sa thaw iaka ain ban ithuh iaki kur bad ki nongialam kur. Kumjuh ruh, ka seng kur dei ban bah khlieh ia ki khunswet khun rangli bad ban wad lad kumno ban kyntiew ia ki.

Ha kane ka sngi, ka jingialang ka la long kaba shongshit da ki jingrwai bad jingshad na ki khun ka kur.

Ki kyrteng kiba la shah pynkup burom:

Rev. H. Pale – MA (Sociology) bad MPA (Master of Public Administration)
Lasandamehi Pale – Bachelor of Physical Education
Damanlangki Pale – MSc Mathematics
Dr. Sunday Pale – Kum u General Secretary uba la shongthait
Mr. Vicky Pale – Founder of Sunrise Adventist Secondary School, Lumparin Khyndawso
Miss Rideiakor Pale – SSLC
Mr. Sainoodame Pale – SSLC
Deinipaya Pale – HSSLC

Ha kane ka sngi ka seng Kur Pale kala pynkhalai ruh iaka Lucky Draw bad kine harum ki number kiba pom