Pynkup burom ka Seiñraij Shnong Tuber Kmaishnong ia kiba pass bha bad iaki ar ngut kiba ioh kyrdan Doctor

Syllad | The Rising MeghalayaMay 9, 2023

Ka Seiñraij Shnong Tuber Kmai Shnong kala pynkup burom ia kiba pass bha ha ki eksamin bapher bapher bad ruh iaki ar ngut kiba ioh iaka kyrdan doctor haka sngi Saitjain haba pynkut iaka Shad Sukra ka shnong Tuber Kmai Shnong.

Ki ar ngut kiba la ioh iaka kyrdan doctor kiba la shah pynkup burom ha kane ka sngi ki dei u Dr. Wankyrpangmi Lyngdoh bad ka Dr. Pathaikiru Lyngdoh.

Katba kiwei kiwei ki pass bha bad kiba la ioh iaka mark kaba 80 percent shaneng hapoh ka shnong Tuber Kmaishnong ki dei ka Anisha Phawa kaba wan ha 1st division haka jingpule Nursing, u Buhkhihsadamebiang Phawa haka kyrdan 1^st Division haka Bachelor of Pharmacy, u Ha-o-shwa Dkhar da ioh 1st division haka SSLC bad u Ribait Phawa da ioh haka 1st division HSSLC jong u snem bala dep.

Ha kane ka sngi la iadonlang u kongsan u ma Lasky Rymbai, Deputy CEM JHADC haka jingiadonlang ki heh Raij, Langdoh Raij Tuber, ki nongialam shnong bad kiwei kiwei.

Kumba ju long man la ka snem shuwa bet bet ia u symbai, ka Seinraij Shnong Tuber Kmaishnong ruh kala pyndep iaka tamasa Shad Sukra. Ha kane ka sngi la don ki jingshad tynrai ha rukom bapher bapher ba la shim bynta da ki samla kynthei bad shynrang bad ki longkmie ki longkpa.