Pynkup burom ka Seng Kur Dkhar Wapung Circle 27 ngut ki samla ha ki kyrdan bapher

Syllad | The Rising MeghalayaDecember 20, 2022

Ka Seiñ Kur Dkhar Wapung Circle, haka sngi Saitjain ka taiew kaba la dep kala pynkup burom haduh 27 ngut ki samla na ka Kur Dkhar kiba la pass bha ha ki kyrdan bad ki laiñ pule kiba kynthup under graduate, graduate bad ki vocational education.

La pynkup burom ia ki riew rangbah kiba shakri paidbah bad ki kattne katne ki dkhot ka kur Dkhar kiba jop haki kam bapher bapher haka jingim jong ki.

Ka Seiñ Kur Dkhar kala pynlong ia kane ka prokram pynkup burom kalong kum shibynta ban ai mynsiem bad ruh pynshlur ia ki khun jong ka kur Dkhar naduh ki samla haduh ki riew rangbha kynthei bad shynrang.

Ia kane ka prokram la pyniaid da Shaniahskhem Dkhar, President jong ka Seiñ Kur Dkhar, Wapungskur Circle.

U Shaniahskhem Dkhar haba ai jingkren maitphang ha katei ka sngi, u la ong ba naduh ba u long kum u President jong ka Seiñ Kur Dkhar, Wapungskur Circle, ka thong kaba ha khmat eh jong u ka long ban leh ei ei na ka bynta ban ai mynsien bad pynshlur ia ki khun jong ka kur Dkhar hapoh ka Seiñ Kur Dkhar, Wapungskur Circle, khamtam eh ia ki samla pule  kiba dei ka lawei ba phyrnai jong ka kur Dkhar, katba u Kyrshan Dkhar, Genl. Secy. ka Seiñ Kur Wapung Circle u la ai ia ka jingpynsngew kyllum ia ka jingtrei jong ka Seiñ Kur Wapung Circle.

Kiwei pat ki nongkren ki dei u MH Dkhar, Ad. Genl Secy; u Justine Dkhar (Ex-MLA), Adviser; ka Rosila Dkhar, Executive Member; u Teras Dkhar, President jong ka Seiñ Kur Dkhar East Jaintia Hills District. Kumjuh ruh, u Kermi Dkhar, Executive Member, Seiñ Kur Dkhar Central Body bad u Jessi Dkhar, President, Seiñ Kur Dkhar, Khliehtyrshi Circle

Baroh ki nongkren ki la kyntu ia ki para kur baroh ban  don ia ka mynsiem iajan, iaieit, iarap-kylliang, iatylli bad ruh jingialong kawei lada dei ha kino kino ki bynta ruh, bad ruh ban long kiba imbha immiat, tipbriew-tipblei, donakor bad kiba sngewnguh. Ki la kyntu kyrpang ruh ia ki samla jong ka kur Dkhar khamtam ia kiba dang pule ba kin long kiba trei shitom bad duriap haka jingim pule puthi ban jop hak jingpule.

Ha ka juh ka por la thung bad pynskhem ruh ia ka tnad trei kam jong ka Seiñ Kur Dkhar ha kane ka shnong ia ka ba la tip kyrteng kum ka Seiñ Kur Dkhar, Wapung Shnong Unit lem bad ki nongkit kam ba nynong jong ka; President, u Seibormi Dkhar; Vice President, u Kalat Dkhar bad u Jointly Dkhar; General Secretary, u Romi Dkhar; Asstt. Genl. Secy., ka Manti Dkhar bad ka Neiniwan Dkhar; Treasurer, ka Thiangmon Dkhar; bad Advisers, u Kyrshan Dkhar, u Yukless Dkhar, ka Pretty Dkhar bad ka Joplangki Dkhar lem bad 31 ngut ki Exectuvie Members.

U Ma Harwis Dkhar, President jong ka Seiñ Kur Dkhar Central Body ula pynskhem iaki nongkitkam.