Pynkup burom ka shnong Sohkymphor ia u MDC ka thain

Syllad | The Rising MeghalayaMarch 26, 2019

JOWAI:  Ka Dorbar Shnong Sohkymphor Nein kala pynkup burom ia u MDC ka UDP naka 20-Muthlong-Sohkymphor MDC Constituency u Ma Lomris Lyngdoh haka sngi Saitjain ka taiew bala dep.

Ha kane ka jingpynkup burom ïa u ma Lomris la idonlang u MDC ka Rymbai-Khliehriat, U Ma Finelynes  Bareh uba long ruh u President ka UDP East Jaintia Hills District.

Ha kane ka jingialang pynkup burom la pyniaid iaka jingialang da u Ninglos Lyngdoh, la ioh ia ki jingkren kyrkhu kyrdoh ia une u kyrtong ba la jop na kane ka Constituency na u Waheh Shnong ka Sohkymphor ma Kronilios Lyngdoh, na ka longkmie Chianti Lyngdoh, ma Besterly Lapasam Ex-Waheh Shnong  Sohkymphor bad u ma Wanbiang Shadap Ex-MDC bad u ma Finelynes Bareh MDC.