Pynkut ka ïingbishar ïaka mukotduma u Kitbok Rymbai pyrshah ïaka JHADC, 10 tarik Nohprah ka elekshon Waheh Shnong

Syllad | The Rising MeghalayaNovember 25, 2019

JOWAI: Ka ïingbishar Meghalaya High Court haka jingshong bishar ïaka mukotduma kaba la ujor da u Kitbok Rymbai Waheh Shnong barim ka shnong Khilietyrshi bad kiwei pyrshah ïaka Jaiñtia Hills Autonomous District Council (JHADC) haka sngi Nyngkong kala rai ban pynkut noh ïa kane ka mukotduma bad pynmih ïaka hukum ban pynlong ïaka jingjied Waheh Shnong ba thymmai jong ka Dorbar Shnong Khliehtyrshi.

Ka ïinbishar kala shong bishar ïaki baroh ar tylli ki Mukotduma kaba la ujor da u Ma Kitbok Rymbai pyrshah ïaka JHADC bad kiwei kiwei katkum ka  WP(C) No. 488 of 2019 bad ka WP(C) No. 468 of 2019 halor ka jingshah pyndam ka jingthmu ban pynlong elekshon haka 21 tarik u Risaw 2019 wat hadien ba u Dolloi ula pyndep ïaka jingdonkam halor ban pynlong ïaka elekshon, kata naduh ka jingthep kyrteng, ka jingai shap bad ka jingbishar iaki kot ki sla.

Ka iing bishar hadien baka shong bishar sani bha bad hadien ka jingmynjur jong ki muktiar na baroh arliang mamla kala rai ban pynlong iaka elekshon haka 10 tarik u Nohprah (December) 2019.

Ka ïing bishar kala bthah ïaka JHADC ban phah ïa u Dolloi ban pynlong ïaka jingjied Waheh Shnong bad la pyndam ruh ïaka hukum jong ka konsil kaba la thung ïaka Administrative Officer ban peit ïaka kam shnong jong ka Khliehtyshi.