Pynkut ka Mukhla Raij iaka jingjop ka Nangbah Mulang haka Super Division ka WJDSA

Syllad | The Rising MeghalayaNovember 20, 2024

Ka Mukhla Raij SC kala wan nadien ban tan kylla iaka jingiakhun sha kaba iakhaid da 1-1 pyrshah iaka Nangbah Mulang haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium kaba long haka 20 tarik Naiwieng.

Kane ka jingiakhaid kala pynlong iaka Mukhla Raij ban pynkut iaka jingbteng khur namjop ka Nangbah Mulang ha kane ka lympung hadien bala khur namjop saw sien kynthih ha ki jingiakhun kiba la dep. Ka Mukhla Raij kala jop shisien bad iakhaid ar sien na ki san tylli ki jingiakhun.

Ka Mukhla kala ioh ban thep ia kane ka kol lyngba u Deni Suna (80). Katba ka Nangbah Mulang kala ioh shuwa ban pynkhih iaka jar tang hapoh 2 minit bala iaid ka jingiakhun lyngba u Presious Tang.

Haka jingialehkai kaba bud, ka Lumiawmuchai Shangpung kala khur iaka namjop ba nyngkong jong ka da kaba pynliem da 2-1 iaka Sailung Ialong ka bym shym la lah ban ialehkai bha mynta ka aiom ialehkai. Ka Sailung Ialong kala ioh ban pynkhih jar nyngkong lyngba u Budhokmiki Rymbai (6) katba ka Lumiawmushai kala lah ban pyntam da ar kol lyngba u Salanbhami Suchiang (13, 66).

Haka 21 tarik Naiwieng ka jingialehkai kan long hapdeng ka Ladthadlaboh bad Demthring haka por 11.00 baje mynstep ka Wahiajer bad 7 Wasa haka por 2.00 baje nohphai sngi.