Pynkut noh ka Pasadwar bad ka Lumpyngngad iaka kam khajia pud bala neh 22 snem

Syllad | The Rising MeghalayaJanuary 3, 2023

Shuwa ban wan iuhkjat u snem thymmai 2023, ka Joint Action Committee jong ki ar shnong ka Pasadwar – Lumpyngngad kala ia poi noh sha ka jingiasuk bad pynkut noh ia kam khajia pud sam shnong kum ka jingai sngewbha snem thymmai ia u paid nongshnong shnong kine ar tylli kine ki shnong.

Kane ka kam iakhajia pud kine ki ar shnong kiba don hapoh Amlarem sub division kala neh la 22 snem bad kala wanrah iaka jingpher jingmut hapdeng kine ki ar shnong.

Pynban ka khubor kaba lam sngewtynnad kine ki ar shnong haka 31 tarik kila rai ban iasuk noh hadien ba kila lah ban pynbeit ia u pud u sam shnong, kata ka jaka kaba don ha Lumpyngngad Non-Government Lower Primary School, ka Durbar Shnong Pasadwar ka la ai sngewbha noh ia kane ka jaka sha ka Durbar Shnong Lumpyngngad.

Katba na kaliang ka dorbar shnong Lumpyngngad pat kum ka dak ban ai sngewbha kylliang kala ai da ka surok kali iaka shnong Pasadwar. Ka dorbar shnong Lumpyngngad ka la aiti da ka jingthoh ba kam don kano kanno ka jingpyrshah ban pyndonkam ia kane ka surok kali ba iaid lyngba kine ki ar shnong.

Ia kane ka jihgialang iasuk kine ki ar shnong la pynlong ha Upper Primary School Pasadwar.

U Ma M Amrynsong General Secretary Shnong Pasadwar ula pyniaid iaka jingialang iasuk. La ioh iaka jingkren na u Ma GB. Syrti General Secretary Shnong Lumpyngngad, u Ma F. Pamblang Waheh Shnong Pasadwar bad pynbud pat da u Ma C Talang Waheh Shnong Lumpyngngad. La pynkut ia kane ka jingialang da ki kyntien ai khublei na u B Parang executive Member Durbar Shnong Pasadwar.