Pynkylla ka DM-EKH ia ka kyndon khang iaid kali na ki 2 tylli ki jingkieng ha ka thain khappud

Syllad | The Rising MeghalayaOctober 17, 2024

Ka District Magistrate, East Khasi Hills, ka Kong Rosetta Mary Kurbah, IAS ha ka jingpynmih hukum kaba thymmai halor ka jingshngain jong ki jingkieng iaid kali ka la pyndam noh ia ka hukum ba la pynmih hashwa ha ki artylli ki jingkieng kiba don ha ki thain khappud, kata ka jingkieng Umpung kaba don ha ka surok Balat -Bagli, bad ka jingkieng dieng halor jong ka wah Dakni ha Balat ha ka surok Mawphlang -Balat. 

Kane ka jingweng ia katei ka jingpynjari hukum katkum ka Section 163 jong ka BNSS ka la treikam mardor.

Hynrei, namar ka jingsngewkhia halor ka jinglong jingman bad ka jingtor jong ki artylli ki jingkieng, kata ka jingkieng ha Wah Umngi ha Umpung ha ka surok Balat -Bagli bad ka jingkieng dieng halor ka wah Dakni, ka District Magistrate ka la shah ban kit tang hapoh ka 9.0 Metric Ton khnang ban iada na ka jingtor shuh shuh jong kine ki jingkieng.              

Kane ka hukum kaba thymmai ka kdew ruh halor ka jingdonkam ban tehlakam ia ka jingpynher sted bad ka jingpyrkhing ia ka kit ka bah na ka bynta ka jingshngain jong ki paidbah nongleit nongwan. Kane ka jingpynbna bathymmai kan treikam mardor tad haduh ban da pynbna da kumwei pat.