Pynkylla ka Sorkar ya i rta iong kiwa yaleh kreh haki Soo tylli ki chnat sorkar

Syllad | The Rising MeghalayaJanuary 24, 2024

Ka Yalang chongpyrkhat kam ki Montri ka Sorkar kawa da man ha ka 24 tarik Duiatra. Hadien I pyrkhat sani bha da chim ki ka rai wow pynkylla yei rta iong kiwa yaleh kreh nei bynta ki kam wa lait ha ki Department ka Sorkar kiwa kynthup ha ka Civil Defence & Home Guard, Excise, Registration, Taxation and Stamps (ERTS), Forest & Environment wa ka Home (Police).

U Bah Paul Lyngdoh, Montri ka Sorkat wa man leh u nongektien iong ka Sorkar MDA II da khana, pynsniaw u hakhmat kiwa thoh khubor heiwa da ong u wa I rta iong kiwa yeleh nae kwah u thap ya kini ki kam toh u man i hapyrdi 18-21 snem wei ye u pynjlan wan yei rta iongki iwa man hadooh 27 snem neibynta kitu kiwa yaleh ha ki kam wa lait hapoh ka Excise, Registration, Taxation and Stamps  (ERTS), hadooh 32 snem ya kitu kiwa thap ha ki kam wa lait iong ka  Civil Defense & Home guard,  30-32 snem I rta ya kitu kiwa yaleh ya ki kam walait iong ka Forest & Environment Department katwa ya ki kam walait ha ka Home (Police) kiwa kwah u thap toh u em ki hapyrdi I rta 21-27 snem.

U Paul da pyntip u leh wa ka sorkar ha ki sngi wow wan u khut (Advertise)  ko leh  ya ki 3000 tylli ki kam wa lait hapoh ka Home (Police) Department wa 500 tylli kiwa lait ha Civil Defense & Home Guard Department.