Pynkylla rukom ïaid kali haka sngi thep vote MP Lok Sabha ha Jowai

Syllad | The Rising MeghalayaApril 10, 2019

JOWAI:  U Superintendent of Police West Jaiñtia Hills District u Bah Lakador Syiem ula pynbna paidbah ba la pynkylla ïaka rukom  ïaid ki kali ha sngi thep vote MP Lok Sabha. Kane ka jingpynkylla ïaka rukom ïaid kali kan treikam ha ki bynta jong ka Iawmusiang naduh ka por 3 baje nohphaisngi ban lait na ka jingkhapngiah bad ka jingsahkut kali ha Iawmusiang.

Wah Nangbah Junction (No Entry): Hadien ka  por 3 PM  baroh ki kali kiba wan na New Hill Point bad na Wah Nangbah ym shah ban rung lyngba ka surok ban leit sha  DC ophis lait noh ki kali jong ki briew elekshon bad kiba rah kor EVM kiba lah ban rung sha Nangbah Stand.

HK Singh Junction (No Entry): Ki kali kiba wan na kaliang Chutwakhu bad Mission Compound  ym shah ban rung lyngba ka surok sha DC Office bad ki dei ban iaid lyngba ka surok ban poi sha Jrisaleiñ Chutwakhu, Mynthong haduh Stand War lait noh tang ki kali elekhson bad ki briew elekshon.

DC By Pass Junction (No Entry): Baroh ki kali kiba wan lyngba ka surok stand War kila lah ban iaid na ka surok nadien ka DC ophis bad bam mih ha lad wah Nangbah.

Seiñraij Parking Lot (No Entry): Ym shah ia baroh ki kali  kiba wan na  kane ka surok sha Iawmusiang lait noh ki briew elekshon bad ki kali elekshon. 

Thomas Jones Junction (No Entry): Ki kali paidbah bad shimet kin hap ban iaid lyngba ka surok ban rung sha Thomas Jones Synod College bad ki mih sha surok Dulong College Road.

Nangbah Stand: Tang ki kali elekshon kiba wan na New Hill Point kiba lah ban ieng ha Stand Nangbah bad hadien bala dep pynhiar  ïaki kor EVM bad briew elekshon ki lah ban ieng haka jaka ieng kali ka Ummulong, Amlarem-Dawki Stand bad ha madan Jrisaleiñ.

Dawki Road: Ki kali elekshon kiba wan na ka thain  War Jaiñtia ne Dawki Jowai Road shah ban rung bad pynieng ha surok ban leit sha JHADC bad haiden bala dep pynhiar ïaki briew elekshon bad kor EVM  ki lah ban pynieng kali ha Amlarem Dawki Stand , Mynthong sha jan Library bad madan Jrisaleiñ.

Baroh ki kali pulit, Civil Zonal, Sector ki lah ban iaid lyngba ka surok iawmusiang sha DC ophis bad ym shah ban pynieing kali ha DC Point haduh ka surok ban rung sha SP Ophis. Ban lain a ka jingkhapngiah ki lah ban buh ki kali ha jaka pynieng kali ki kali war, Ummulong bad Jrisaleiñ.