Pynkynmaw ka Red Cross ba kam pat kut ka khlam COVID-19, sam mask, sabon ha Jowai

Syllad | The Rising MeghalayaNovember 1, 2020

Ka Indian Red Cross Society, West Jaintia Hills District kum shibynta ban iakhun pyrshah iaka khlam COVID-19 kala synniang da ki mask bad sabon sha ki nongshong die jingdie ha ki iew ki hat.

Ka Red Cross kala sam ia kine ki mask bad ki sabon haka sngi Saitjain ha ophis ka Meghalaya Bharat Scouts & Guides, West Jaintia Hills District.

U Ohiwot Laloo, Secretary IRCS West Jaintia Hills District ula ba ka jingsam ia kine ki mask bad ki sabon ka die kum ka jingpynkynmaw bad pynsngewthuh iaki paidbah ban long kiba phikir bad ban iada ialade namar ka khlam COVID-19 kam pat jem.

Ka Red Cross ka kyntu iaki paidbah ban bud iaki kyndon bad ki lad jingiada bad ban long kiba lehkhuid khnang ban lah ban iakhun pyrshah ia une u khniang COVID-19.