Pynkynmaw ka TUR bad WPM iaka tnad Labour ban pyllait noh iaka pisa ki nongbylla

Syllad | The Rising MeghalayaAugust 8, 2021

Ka Workers Power of Meghalaya (WPM) bad Thma U Rangli (TUR) lyngba u Kenneth Swer u nongialam ka WPM bad kong Angela Rangad, TUR kila phah ia ka shithi ban pynkynmaw ia ka tnat Lbour jong ka Sorkar ba ka dei ban pynlait noh ia baroh ka pisa sha ki nongtrei/nongbylla sngi.

Ha ka 28 July (Naitung) ka la don ka jingiakren hapdeng ka WPM, ka TUR bad u Principal Secretary ka tnat labor ka Sorkar Jylla halor ka song jingiarap pisa kaba ka Sorkar ka la kular bad pynmih hukum ban ai ia ki nongtrei/nongbylla sngi kiba la duh kamai ha kane ka khlam bad jingkhangdam ha ka snem 2020.

Ka WPM bad TUR ka la ai por ia ka tnat labor haduh ka 15 August 2021 bad ruh ka la dawa ba ka tnat labor ka dei ban ai ia ka kaiphot man la ka taiew haduh katno ki la lah ban pyndep ia ki kam bad katno ngut ki nongtrei/nongbylla sngi ki la ioh ia ka song jingiarap pisa.

Kumta ngi dawa bad pynkynmaw ia ka Sorkar ba ka dei ban ai ia ka report bad ba hapoh ka 15 August 2021 baroh ki nongtrei/nongbylla sngi ki dei ban ioh ia baroh ka pisa.

Ngi dawa ruh ba ka Sorkar Jylla ka dei ban pynbna bad pynmih hukum biang ban ai jingkyrshan pisa na ka bynta kane ka snem 2021, namar ha kane ka snem ruh ka khlam COVID-19 sa shisien ka la lyngshop bad haduh mynta ki nongshong shnong kim shym lah ban ioh ia ka kamai kajih ba biang. Ka TUR bad WPM ka lah phah ruh sha ka tnat labour ia ka shithi ba ka central govt ka thoh sha ki Jylla kaba kyntu ia ki ban rejistar wut wut ia ki labour khnang ba ki lah ban ioh jingkyrshan. Kane ka long kaba kongsan ban peit ban biang ka bam ka dih ha ki longiing bad ruh ban pynthikna ba ki khun ki kti ki ioh ia ka pule puthi khamtam mynta ba lah mih result bad ki jinglut bai admission ki ba hap pynbiang. Ka TUR ka ban ba dei ban ai jingkyrshan is baroh kiba hap hapoh ka BOCW bad ban map noh shisien mynta ia ka rs. 10 renewal kaba khang lad ia kiba bun ban ioh ia ka jingkyrshan na ka BOCW