Pynkynriah noh iaka PWD North Div sha Shangpung ne mad iaka jingiakhih: FKJGP

Syllad | The Rising MeghalayaJuly 14, 2020

Ka Federation of Khasi Jaintia and Garo People (FKJGP) haka sngi Nyngkong kala dawa na ka Sorkar Jylla ban pynkynriah noh mardor iaka PWD North Division Jowai sha ka shnong Shangpung bad kala byrthen ruh ban iakhih paidbah lada ym pynkynriah noh ia kane ka ophis.

Danghen u Symbud Myntri Rangbah ka Jylla u Prestone Tynsong ula ong ba un bishar ia kane ka kam pynkynriah iaka PWD North Division, Jowai sha Shangpung. Ula ong ruh ba ka ophis ha Shangpung kala biang naka bynta ka jingpynkynriah.

Ula ong ruh ba ka PWD North Division ruh ka peit tang ka Mowkaiaw bad Raliang Constituency bad kine ki ar tylli ki thain ruh ki jan bha bad kam don than ka jingjngai na Shangpung.

U MLA ka Jowai ma Wailadmiki Shylla ula ong ba ka jingdawa kalong kaba don nongrim, hynrei um pdiang ban rah ia kane ka division sha Shangpung namar baka dang jan hi bad ka Jowai. Kam don jingmut ban pynkynriah iaka ophis kaba la don lypa, hynrei donkam ban pyrkhat kumno ban pynheh bad pynbha shuh shuh ia kane ka tnad katkum ka jingiaid jong ka por.

“Ngi dawa naka sorkar ban pynkynriah ia kane ka division katkum ka Notification ba la pynmih naduh ka 20 tarik Nohprah, 2018 na Jowai sha Shangpung bad lada kam urlong ngin iaid shakhmat ban pynlong da ka jingiakhih paidbah ban pynbor iaka sorkar.

Thalain ka JSU iaka Synjuk Dorbar Shnong Shangpung ba dawa pynkynriah iaka PWD North Division sha Shangpung

Ngim kwah ban ialam bakla iano iano, hynrei kala dei ka por ban pynkynriah ia kane ka Division namar kane ka trei kam tang artylli ki Constituency, kata, ka Raliang Constituency bad ka Mookaiaw Constituency bad kam don jingktah eiei ia ka Jowai lane ia u MLA jong ka Jowai,” ong Kermiki S Passah Organising Secretary FKJGP Laskein Circle.

Ka FKJGP kala ai nuksa ruh iaka jingpynkynriah iak NEC Division na Jowai sha Khliehriat kaba peit bun ki kam tang hapoh ka thain Khliehriat bad Sutnga bad ka Shillong North Division la pynkynriah sha Nongpoh na Nongpoh la pynkha iaka Umsning.

Kyrshan ka MPUF iaka jingdawa pynkynriah iaka PWD North Division

Kumta ka FKJGP kala ong ba sorkar kam dei ban sngap tang ia ki katto katne ngut, hynrei ban peit iaka jinglong jingman jong ka ophis bad ka jingtreikam jong ka khnang ba ki ophis ki jan sha u paidbah.