Pynlait paidbah u CM deilang u Education Minister ya ki kot NCERT, e kti yaki appointment sha ki nongsikai LP ha Tura

Syllad | The Rising MeghalayaJanuary 26, 2024

Haka 25 tarik Duiatra u Chief Minister, Conrad K.Sangma deilang u Education Minister Rakkam A.Sangma da pynlait paidbah ki ya ki kot NCERT ha Tura kawa man neibynta ka Meghalaya Board of School Education (MBOSE) hei sakhilang ki MLA wa kynthup iow Rupert Momin, Sanjay A Sangma, Arbinstone Marak wa kiwi ki heh sorkar iong ka tnant krehkam i purae puthi wei Ya kani ka yalang pynlait paidbah ya ki kot NCERT da pynman ha Harding Theological College, Tura.

Neiliang u Chief Minister wa u Education Minister ha  kani ka yalang da ekti ki leh ya ki 458 tylli ki Appointment Letter cha ki nongsikai Government LP wa dang thung thymme wei kini toh kiwa da leh hadien i pynkrehkam ya ka roster system.

U Conrad K Sangma hei klam iong-o da khana u wa ka sorkar ha kini ki kajiak snem yaleh bha ko u thuh ki lad ki luti hei wow kyntu kynrong wei pynmiat pynbha yei purae puthi hapoh ka Jylla heiwa da ong u leh katwa ye walah u pynman ya ka Jylla Meghalya kawa poi ha i kyrdan wa hakhmat.

Hei pynkut da ong u leh yooluti u wa i ekti ya ki Appointment Letter  iong ki Khasi, Jaintia wa ka Ribhoi u man i ha Shillong ha ka 6tarik Thohlakhmi/ February 2024.